(13 октября 2015) 1925-це иень таштамковонь 13-це чистэ Московсо ютавтозель Весе Россиянь эрзянь, мокшонь келень тонавтыцянь омбоце инекужось. Васенцесь пурназель иеде икеле. Евтама, се шкантень ютавтозель покш ды домка важодема.
20це иестэ Самарань губерниясо ды минек ёнксонь Ардатовань уездэнь Челпаново велесэ панжозельть тиринь келень тонавтыцянь курсат. Весемесь те максовсь а шождасто, секскак эрзятнень, мокшотнень тонавтомга аштиця содавикс ломаненек лемест -сырнень буквасо тешкстазь раськенек историянь лопатнес.
Весе Россиянь эрзянь, мокшонь келень тонавтыцянь омбоце инекужонть пурнамодо мейле ютасть 90 иеть! Те кувака шканть перть масторонок историясо ульнесть ламо полавтомат! Тонавтомас содамочивтеме икелень ломантнень таркасо ней- паро образования, покш квалификация марто специалистт. Аволь васенце ие масторонок образованиянь качествадо ванкшономатнень коряс, республиканок ашти васенце таркатнесэ. Покш мель явови тиринь кельтнень тонавтомантень. Макар Евсевьев, Захар Дорофеев, Тимофей Васильев, ды ламот лият весе виест путызь те тевенть ушодомантнень. Покш путовкс тейсь Московонь «Сыргозема» вейсэндявксось. Чарькодеви, сеть шкатнестэ савкшнось , пек стака! Васняяк, тонавтомась мольсь рузонь кельсэ. 1924-це иесь яволявтозель тонавтнема иекс!
Рузонь кельсэ лия раськетнень тонавтоманть нолдызь тевс советской властенть пингстэяк. Сестэ, стакачинть кардамга, тонавтнемапельтнень нолдамонтень прявтнэ кармавтызь кундамс сех вадря, виев педагогтнень. Шкань ютазь, зярыя таркава, пажовить курсат. Ламо теезель Самарань губерниясо. Тиринь келень тонавтыцянь 2 инекужось кармавтсь седеяк покш мель путомс раськенек тонавтомантень! Теке марто масторсонок ульнесь а шожда шка. Малав весе просветительтнень учось стакачи:ушодвость репрессият.
Теде мейле тонавтыцянь инекужот эзть ютавтневе! Промкстнэ, конференциятне пурнавкшновсть ансяк таркатнева. Эрявсь ванкшномс сеть кевкстематнень, конат талновтсть тонавтыцятнень. Шкась ютась ламо, малав пинге. Ды нейгак минь а стувтнетяно сеть ломантнень, конат аштесть тиринь раськест содамочинь ки лангс ливтеманть ушодкссо.
http://www.goloserzi.ru